O Consello da Xerencia Municipal de Urbanismo, en sesión do 19 de setembro de 2002, adoptou, entre outros, o seguinte acordo:

«Primeiro.-Aprobar inicialmente o proxecto de urbanización do polígono C-SU-UA-6-Galindra, promovido por Cysugal, S.A., redactado polos arquitectos José Antonio González González e Emilio Estévez Fernández, visado polo COAG nos días 8-5-2002 e 10-9-2002 (expediente 4361/401).

Segundo.-Antes da aprobación definitiva do procedemento deberá informarse favorablemente o expediente polos departamentos municipais de Servicios Electromecánicos e Parques, Montes e Xardíns.

Terceiro.-Abrir un trámite de información pública polo prazo dun mes, mediante publicación de anuncios no DOG e nun xornal dos de maior circulación da provincia, así como notificación individualizada ós propietarios incluídos no ámbito do proxecto de urbanización».

Procédese ó trámite de información pública do expediente. O prazo entenderase aberto desde a primeira publicación, ata o remate do mes, contado desde o día seguinte da derradeira publicación. O expediente está á disposición do público no Departamento de Información Urbanística da Xerencia de Urbanismo (planta baixa do edificio da xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados.

Vigo, 8 de outubro de 2002.

Lois Pérez Castrillo

Alcalde-presidente da Xerencia Municipal

de Urbanismo