De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento da empresa Pérez Caamaño, Félix Manuel titular do expediente AP005.2001.1.39 relativo á solicitude de axuda a

servicios de apoio á elaboración do plan de empresa do Programa Emprendedores do Igape (Resolución do 13 de xullo de 2001, DOG nº 142, do 23 de xullo), que con data 24 de xaneiro de 2002 a directora xeral do Igape resolveu a denegación da axuda de servicios de apoio á elaboración do plan de empresa porque o solicitante non inicia por primeira vez unha actividade empresarial.

Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. A resolución de denegación esgota a vía administrativa e contra ela poden interpor potestativamente recurso de reposición ante o Consello de Dirección do Igape no prazo máximo dun mes desde a publicación deste edicto no Diario Oficial de Galicia, ou directamente recurso contencioso-administrativo ante os xulgados do contencioso-administrativo de Santiago de Compostela no prazo máximo de dous meses contados desde o seguinte á súa publicación no Diario Oficial de Galicia. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.

Santiago de Compostela, 23 de setembro de 2002.

Margarita Rodríguez Rama

Directora xeral do Instituto Galego de Promoción

Económica