De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial, foron depositados a acta pola que se modifican os estatutos da Asociación Provincial de Mujeres Empresarias de Pontevedra, e mailos novos estatutos, consistindo esta modificación no cambio dos artigos 2, parágrafo primeiro e 5.1, destes.
Asinan a acta de modificación dos estatutos: María Teresa Vidal Gallego e outros.
Os estatutos depositados poderán ser examinados por calquera persoa interesada.
Vigo, 12 de setembro de 2002.
Antonio Coello Bufill
Delegado provincial de Pontevedra