Os ensaios clínicos e os comités éticos de investigación clínica regúlanse na Comunidade Autónoma polo Decreto 32/1996, do 25 de xaneiro, dictado en desenvolvemento do Real decreto 561/1993, do 16 de abril, polo que se establecen os requisitos para a realización de ensaios clínicos con medicamentos, e o Real decreto 634/1993, do 3 de maio, sobre condicións dos productos sanitarios implantables activos, modificado polo Real decreto 1662/2000, do 29 de setembro, sobre productos sanitarios para diagnóstico «in vitro».

A renovación da acreditación dos comités éticos de investigación clínica, ós que lles corresponde informar todo ensaio clínico que se realice dentro do seu ámbito territorial, debe ser resolta polo conselleiro de Sanidade, conforme os artigos 9 e 12.2º do citado Decreto 32/1996, do 25 de xaneiro, a proposta da División de Farmacia e Productos Sanitarios, posto que na actualidade o dito comité ético encóntrase adscrito a ela, en virtude do disposto no artigo 23 do Decreto 45/2002, do 8 de febreiro, polo que se establece a estructura orgánica do Servicio Galego de Saúde.

Ó abeiro do disposto nos artigos 10 e 11 do Decreto 32/1996, do 25 de xaneiro, con data do 8 de xullo do 2002, o secretario do comité ético presentou solicitude de renovación da acreditación, xuntando a documentación necesaria.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente,

reformada pola Lei 11/1988, do 20 de outubro, e os artigos 9 e 12.2.º do Decreto 32/1996, do 25 de xaneiro, polo que se regula a realización de ensaios clínicos na Comunidade Autónoma de Galicia, por proposta da División de Farmacia e Productos Sanitarios, e coa conformidade da secretaría xeral,

DISPOÑO:

Artigo único.-Renova-la acreditación do Comité Ético de Investigación Clínica de Galicia por un período de tres anos.

O comité queda integrado polos membros que se relacionan no anexo.

Santiago de Compostela, 9 de setembro de 2002.

José Mª Hernández Cochón

Conselleiro de Sanidade

ANEXO

Relación de membros do Comité Ético de Investigación Clínica de Galicia