Na sesión celebrada por este xurado provincial, coa data do 2 de abril de 2002, adoptouse o seguinte acordo:
4º.-Varios:
(...)
e) Monte de Campos, Outonín e San Cristovo (expediente 69/75), situado na parroquia de San Cristovo de Lóuzara do concello de Samos e clasificado como veciñal en man común pola resolución do xurado provincial coa data do vintecinco de maio de mil novecentos setenta e seis. En relación con este monte recibiuse sentencia firme número 113/01, dictada polo Xulgado de Primeira Instancia e Instrucción número un de Sarria coa data do doce de xuño de dous mil un, que na súa decisión declara: «... que ós demandantes lles corresponden en propiedade as parcelas partidas e en proindivisión o resto do predio, propiedade individualizada e comunitaria respectivamente, de carácter exclusivo e excluínte, sendo a comunidade en réxime de proindivisión por cotas ou de tipo romano; con exclusión do réxime en man común». Examinada a devandita sentencia, o xurado, por unanimidade, acorda dar cumprimento ó establecido nela, trasladando o seu contido ó Servicio de Montes e Industrias Forestais, para que
proceda ás correccións oportunas no expediente correspondente».
Descoñecéndose o nome e enderezo dos posibles titulares de dereitos e intereses sobre o referido monte, por medio do presente edicto e conforme o disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, ponse no seu coñecemento o devandito acordo, facéndolles saber que contra este poderá interporse recurso potestativo de reposición, no prazo dun mes, perante o Xurado Provincial de Montes Veciñais en Man Común de Lugo, ou recurso contencioso-administrativo, no prazo de dous meses, perante o Xulgado do Contencioso-Administrativo de Lugo, de conformidade cos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, e co artigo 46 da Lei 29/1998, do 13 de xullo, da xurisdicción contencioso-administrativa.
Lugo, 16 de setembro de 2002.
Luis González Vázquez
Presidente do Xurado Provincial de Montes
Veciñais en Man Común de Lugo