Para cumprir co disposto no artigo 70.2º da Lei reguladora das bases de réxime local, e 48 da Lei 1/1997, do 24 de marzo, do solo de Galicia, faise pública a aprobación definitiva da modificación puntual nº 1/2002 do Plan Xeral de Ordenación Municipal, que co quórum que esixe o artigo 47.3º i) da Lei de bases de réxime local, e 215.2º i) da Lei de Administración local de Galicia, acordou o Pleno do Concello na súa sesión do 26-9-2002, recolléndose a continuación a parte dispositiva do acordo que se adopta:

Primeiro.-Aprobar con carácter definitivo a modificación puntual do Plan Xeral de Ordenación Municipal de Verín nº 1/2002, no polígono industrial de Pazos, segundos os termos nos que se atopa redactada. Abrangue esta aprobación definitiva tódolos documentos, previsións e manifestacións que no referido documento figuran.

Segundo.-Publica-la aprobación definitiva da modificación do PXOM de Verín no Diario Oficial de Galicia e no BOP, inserindo neste último integramente o texto que proceda.

Terceiro.-Cumpri-las restantes previsións que establece o artigo 48 da Lei do solo de Galicia para que a aprobación definitiva da modificación do PXOM que se acorda sexa plenamente efectiva e eficaz.

Juan Manuel Jiménez Morán

Alcalde