Perante este Xurado Provincial de Montes Veciñais en Man Común, tramítanse os expedientes de clasificación dos montes coas características que a seguir se indican:

-Expediente número: 1/2002.

Denominación: monte da Lama.

Comunidade propietaria: veciños do lugar da Lama.

Parroquia: Noceda.

Concello: Cervantes.

Superficie: 133 hectáreas.

Estremas:

Parcela nº 1:

Norte: monte veciñal en man común pertencente ós veciños do lugar de Noceda (expediente 21/82). Leste e sur: monte veciñal en man común pertencente ós veciños do lugar de Vilanova do Pedregal (expediente 8/83). Oeste: predios particulares.

Parcela nº 2:

Norte: monte veciñal en man común pertencente ós veciños do lugar de Noceda (expediente 21/82). Leste: predios particulares e monte veciñal en man común pertencente ós veciños do lugar de Vilanova do Pedregal (expediente 8/83). Oeste: monte veciñal en man común pertencente ós veciños dos lugares de Vilarello da Igrexa, Vilarello do Río e San Miguel (expediente 103/78).

-Expediente número: 2/2002.

Denominación: monte da Farrapa.

Comunidade propietaria: veciños da parroquia de Argomoso.

Concello: Mondoñedo.

Superficie: 21,4 hectáreas.

Estremas:

Norte: monte veciñal en man común pertencente ós veciños da parroquia de Argomoso (expediente 6/98). Leste: superficies abertais de Moncapelo. Sur: superficies abertais de Moncapelo e termo municipal da Pastoriza. Oeste: monte veciñal en man común pertencente ós veciños da parroquia de Argomoso (expediente 6/98) e termo municipal da Pastoriza.

-Expediente número: 3/2002.

Denominación: monte Lama do Espiño e Xaneiras.

Comunidade propietaria: veciños da parroquia de Maside.

Concello: Sarria.

Superficie total: 4,70 hectáreas.

Estremas da parcela Lama do Espiño-2,05 hectáreas:

Norte: monte veciñal en man común pertencente ós veciños da parroquia de Ortoá (expediente 68/78).

Leste e sur: camiño. Oeste: monte veciñal en man común pertencente ós veciños da parroquia de Ortoá (expediente 68/78) e camiño.

Estremas da parcela Xaneiras-2,65 hectáreas:

Norte: monte veciñal en man común pertencente ós veciños da parroquia de Ortoá (expediente 68/78). Leste e sur: predios particulares. Oeste: predios particulares e monte veciñal en man común pertencente ós veciños da parroquia de Ortoá (expediente 68/78).

-Expediente número: 4/2002.

Denominación: monte de Seteventos (parcelas: Pousada, A Cuada e Fondón).

Comunidade propietaria: veciños da parroquia de Seteventos.

Concello: Sarria.

Superficie total: 13,91 hectáreas.

Estremas da parcela Pousada-1,85 hectáreas:

Norte: estrada C-535. Leste: termo municipal de Láncara. Sur e oeste: predios particulares.

Estremas da parcela A Cuada-8,41 hectáreas:

Norte e oeste: camiño. Leste e sur: predios particulares.

Estremas da parcela Fondón-3,65 hectáreas:

Norte e leste: predios particulares. Sur: camiño e predios particulares. Oeste: camiño que une a estrada C-535 co lugar de Reboredo.

En virtude do acordado polo xurado na sesión que tivo lugar o día 4 de xullo de 2002 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, por este edicto faise pública a iniciación para a posible clasificación dos expedientes indicados co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas, poidan comparecer e intervir nos expedientes iniciados e formularen perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación cos montes, achegando, se é o caso, a documentación que consideren conveniente ó respecto.

Lugo, 12 de setembro de 2002.

Luis González Vázquez

Presidente do Xurado Provincial de Montes

Veciñais en Man Común de Lugo.