A Fundación Pública Urxencias Sanitarias de Galicia-061 anuncia a convocatoria pública dos seguintes postos para a contratación indefinida do seu cadro de persoal, de acordo coas seguintes bases:
Médicos coordinadores.
* Contratación inicial a media xornada, con posibilidade a medio/longo prazo de xornada completa.
* Ref./MC
Requisitos mínimos:
Licenciado en medicina e cirurxía con formación especializada ou, no seu defecto, a acreditación dun mínimo de 2 anos de experiencia profesional en servicios de urxencias hospitalarias ou servicios de emerxencia extrahospitalarias.
Médicos asistenciais.
* Posibilidade de contratación a media xornada ou xornada completa.
* Ref./MA
Requisitos mínimos:
Licenciado en medicina e cirurxía con formación especializada en medicina familiar e comunitaria, anestesia e reanimación ou medicina intensiva, ou, no seu defecto, a acreditación dun mínimo de 2 anos de experiencia profesional en servicios de urxencias hospitalarias ou servicios de emerxencia extrahospitalarias.
*Ref./MI
Requisitos mínimos:
Licenciado en medicina e cirurxía con formación especializada en medicina preventiva e con experiencia en investigación.
ATS/DUE
* Posibilidade de contratación a media xornada ou xornada completa.
* Ref./DUE
Requisitos mínimos:
Diplomatura de ATS/DUE.
Presentación de solicitudes:
Os interesados deberán ingresar na conta 0128/9406/13/0100000297 a cantidade de 46,61 euros en concepto de taxas de inscrición na convocatoria para a selección de persoal (artigo 18.03 do Decreto lexislativo 1/1992, do 11 de abril, polo que se aproba o texto articulado das bases contidas no capítulo 3 do título II da Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia).
Deberase remiti-lo currículum, indicando a referencia que corresponda, dirixido ó apartado de correos nº 5195 Vigo-36200, antes de 15 días naturais contados desde a data de publicación deste anuncio. Deberán presentarse certificados de servicios prestados, diplomas acreditativos de cursos, título mínimo esixido, expediente académico e xustificante de realiza-lo ingreso das taxas de inscrición na convocatoria.
Inicio das probas e resultados.
O proceso de selección realizarase de acordo co disposto na Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación. Os interesados poderán consulta-las bases desta convocatoria no DOG do 9-10-2002. O exame teórico/práctico non se realizará antes dun mes desde que se publique esta convocatoria, de acordo co disposto no artigo 4 da Lei 10/1996. Os baremos estarán á disposición dos interesados no taboleiro de anuncios da fundación e tamén poderán solicitarse no nº de fax 981 54 67 28.
A resolución dos resultados da selección coa lista dos candidatos aptos por orde de prelación poderá consultarse unha vez terminado o proceso nos taboleiros de anuncios de tódolos centros de traballo da Fundación Pública Urxencias Sanitarias de Galicia-061.
Santiago de Compostela, 3 de outubro de 2002.
Carmen Rial Lobatón
Directora da Fundación Pública Urxencias
Sanitarias de Galicia-061
PADROADO PARA O DESENVOLVEMENTO DO PLAN
DE EXCELENCIA TURÍSTICA
CONCELLOS DO GROVE
E SANXENXO