DOG 195 do 09/10/2002 - RESOLUCIÓN do 24 de setembro de 2002, da Dirección Xeral de Calidade e Avaliación Ambiental, pola que se somete a información pública o estudio de impacto ambiental para a adecuación, selaxe e clausura do vertedoiro de RSU da Peroxa (Ourense), promovido pola Subdirección Xeral de Calidade Ambiental e o Concello da Peroxa.

VI. ANUNCIOS

DA ADMINISTRACIÓN AUTONÓMICA

CONSELLERÍA DE MEDIO AMBIENTE

RESOLUCIÓN do 24 de setembro de 2002, da Dirección Xeral de Calidade e Avaliación Ambiental, pola que se somete a información pública o estudio de impacto ambiental para a adecuación, selaxe e clausura do vertedoiro de RSU da Peroxa (Ourense), promovido pola Subdirección Xeral de Calidade Ambiental e o Concello da Peroxa.

En cumprimento do disposto no artigo 5º, punto 2, do Decreto 442/1990, do 13 de setembro, de avaliación do impacto ambiental para Galicia (DOG nº 188, do 25 de setembro), o órgano ambiental someterá o estudio de impacto ambiental ó trámite de información pública, mediante anuncio no Diario Oficial de Galicia.

Na súa virtude

RESOLVO:

1. Someter a información pública o estudio de impacto ambiental para a selaxe do vertedoiro da Peroxa.

2. Para os devanditos efectos informativos, poranse á disposición dos administrados exemplares nas seguintes dependencias:

* Dirección Xeral de Calidade e Avaliación Ambiental.

* Delegacións provinciais da Consellería de Medio Ambiente da provincia de Ourense.

3. As alegacións formularanse durante o prazo de trinta (30) días, contados a partir do seguinte día á publicación da presente resolución no Diario Oficial de Galicia.

Santiago de Compostela, 24 de setembro de 2002.

José Luis Díez Yáñez

Director xeral de Calidade e Avaliacion Ambiental