O Pleno do Concello de Vigo, reunido en sesión celebrada o 27 de maio de 2002, acordou cederlle á Comunidade Autónoma de Galicia o predio situado no monte Areeiro-Bembrive, destinado á construcción dun centro da terceira idade.

A Secretaría Xeral e do Patrimonio tramitou o correspondente expediente de aceptación de cesión, de conformidade co disposto nos artigos 16, 17 e 23 da Lei 3/1985, do 12 de abril, do patrimonio da Comunidade Autónoma de Galicia, e 33, 34 e

38 do Decreto 50/1989, do 9 de marzo, polo que se aproba o Regulamento para a execución da dita lei.

Na súa virtude, por proposta do conselleiro de Economía e Facenda, feita nos termos nos que o Concello de Vigo acordou a cesión, e logo de deliberación do Consello da Xunta de Galicia na súa reunión do día seis de setembro de dous mil dous,

DISPOÑO:

Artigo 1º

Acéptase a cesión feita polo Concello de Vigo, a título gratuíto, dunha parcela de 7.700 m, situada no monte Areeiro-Bembrive, termo municipal de Vigo, que estrema ó noreste, camiño Areeiro e vía de 10 metros; ó noroeste, monte de UP número 563 da Entidade Local Menor de Bembrive; ó sueste, monte de UP número 563 da Entidade Local Menor de Bembrive; e ó suroeste, monte de UP número 563 da Entidade Local Menor de Bembrive. Figura inscrito no libro 1.119 de Vigo, folio 22, predio 67120, inscrición 1ª do Rexistro da Propiedade nº 2 de Vigo.

Artigo 2º

O predio cedido destinarase á construcción dun centro da terceira idade.

Artigo 3º

A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público e á inscrición do ben no Rexistro da Propiedade a nome da Comunidade Autónoma de Galicia.

Disposición derradeira

A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do presente decreto.

Santiago de Compostela, seis de setembro de dous mil dous.

Manuel Fraga Iribarne

Presidente

José Antonio Orza Fernández

Conselleiro de Economía e Facenda