Nos tramos finais dos ríos existe unha zona de influencia mariña que permite a coexistencia de especies específicas de cada unha das augas, ademais doutras que, pola súa condición de migradoras, pasan unha parte da súa existencia nunhas ou noutras augas.
As zonas estuáricas con frecuencia presentan ós pescadores incertezas respecto das normas que resultan de aplicación en cada caso, pois resulta nalgúns casos dificultoso determina-lo ámbito de eficacia das normas que regulan a pesca marítima e a fluvial.
Nestas zonas, nas que se mesturan as augas continentais coas mariñas, parece lóxico que sexa necesaria unicamente a disposición dunha soa licencia, que habilita o exercicio da pesca recreativa.
Por outra banda, estímase que a pesca é unha actividade de grande interese social que reclama unha especial promoción por parte dos poderes públicos e é por iso oportuno arbitrar medidas que estimulen nos máis novos e nos maiores a práctica desta actividade.
Por todo iso, e no uso das facultades previstas na Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, por iniciativa dos conselleiros de Pesca e Asuntos Marítimos e de Medio Ambiente e por proposta do conselleiro da Presidencia, Relacións Institucionais e Administración
Pública logo de deliberación do Consello da Xunta de Galicia na súa reunión do día seis de setembro de dous mil dous,
DISPOÑO:
Artigo 1º
O exercicio recreativo da pesca desde as beiras, nas áreas de desembocadura que se relacionan no anexo, esixirá dispor da licencia de pesca marítima ou fluvial, indistintamente.
Ambas licencias habilitan, nestas zonas, para a pesca tanto das especies marítimas como das fluviais non anádromas.
A pesca das especies fluviais anádromas esixirá dispor da licencia de pesca fluvial, cos seus correspondentes recargos.
Artigo 2º
Nas zonas de desembocadura non relacionadas no artigo anterior, o límite superior será o que acaden as mareas vivas, e o inferior a liña imaxinaria que une as puntas da embocadura en ámbalas marxes.
Artigo 3º
Os horarios de pesca serán os establecidos na normativa de pesca fluvial.
Artigo 4º
En canto ás modalidades e engados para a pesca serán os que resulten axeitados para cada especie, e que non estean especificamente prohibidos por algunha disposición legal.
As especificacións de cota de pezas para cada especie serán as que se establezan en cada normativa específica.
Disposición derradeira
Este decreto entrará en vigor ós tres meses da súa publicación no Diario Oficial de Galicia.
Santiago de Compostela, seis de setembro de dous mil dous.
Manuel Fraga Iribarne
Presidente
Jaime Pita Varela
Conselleiro da Presidencia, Relacións Institucionais
e Administración Pública
ANEXO
Límites das zonas de desembocadura
Provincia da Coruña.
Río Límite superior Límite inferior
Anllóns Canteira de Santa Mariña Liña recta imaxinaria que une Punta Balarés con Punta Padrón
Baleo Ponte do ferrocarril Liña recta imaxinaria que une Punta Ladrido con Punta Descada ou Sartán
Baxoi Ponte do ferrocarril Liña recta imaxinaria que une Punta Bañobre con Punta dos Curbeiros de Miño
Río Límite superior Límite inferior
Belelle Lugar de Subarreiros Ponte do ferrocarril Ferrol-Pontedeume
Condomiñas Ponte Nova de Cedeira Liña recta imaxinaria que une a punta do dique de Cedeira co cumio do monte Burneira
Das Mestas A Ponte Vella Liña recta imaxinaria que une a punta do dique de Cedeira co cumio do monte Burneira
Eume Límite inferior do couto de Ombre Liña recta imaxinaria que une Punta Madanela con Punta Sentroña
Forcadas Ponte vella de Ferrerías Liña recta imaxinaria que une a punta do dique de Cedeira co cumio do monte Burneira
Grande Límite inferior do couto de Ponte do Porto Liña recta imaxinaria que une Punta Sandia con Punta Roda
Lambre Límite inferior do couto de Lambre Liña recta imaxinaria que une Punta dos Curbeiros de Miño con Punta Mauruxo
Mandeo Ponte vella de Betanzos Liña recta imaxinaria que une Punta dos Curbeiros de Miño con Punta Mauruxo
Mendo Ponte nova de Betanzos Liña recta imaxinaria que une Punta dos Curbeiros de Miño con Punta Mauruxo
Maior Muíño de Lino Liña recta imaxinaria que une Punta Ladrido con Punta Descada ou Sartán
Mera Lugar de Castro-Areeira Liña recta imaxinaria que une Punta Ladrido con Punta Descada ou Sartán
Mero 100 m augas abaixo da presa da Barcala Liña recta imaxinaria que une Punta Fiaiteira co varadoiro de Oza
Sóñora Muíños de Pedrachán Liña recta imaxinaria que une Punta Requeixo con Punta Testal
Sor Souto de Xancedo Liña recta imaxinaria que une Punta do Castro con Punta do Santo
Tambre Límite inferior do couto de Noia Liña recta imaxinaria que une Punta Requeixo con Punta Testal
Tines Límite inferior do couto de Outes Liña recta imaxinaria que une Punta Requeixo con Punta Testal
Xubia Límite inferior do couto de Xubia Ponte do ferrocarril Ferrol-Pontedeume
Provincia de Lugo.
Río Límite superior Límite inferior
Ferrol-Xixón
Eo Ponte do ferrocarril
Ponte dos Santos
Landro Ponte Portachao Liña recta imaxinaria que une a punta do peirao de Celeiro co illote A Insua
Masma Ponte da Espiñeira na estrada nacional 462 entre os concellos de Foz e Barreiros Liña recta imaxinaria que une Punta Prados coa punta da crebaondas de Foz
Ouro Ponte vella de Fazouro Ponte do ferrocarril Ferrol-Xixón
Provincia de Pontevedra.
Río Límite superior Límite inferior
Vigo-A Coruña en Monteporreiro
Lérez Ponte do ferrocarril
Liñas rectas imaxinarias que unen Punta Campelo co extremo distal do crebaondas da canle do río e este último con Punta Praceres.
Miñor Ponte da Xunqueira Liña recta imaxinaria que une a punta da barra da praia Ladeira e Punta Lourido.
Ulla Ponte de Catoira Liña recta imaxinaria que une Punta Seveira con Punta Rebordexo e súa continuación, bordeando a illa de Cortegada, ata o faro do dique de Carril.
Umia Ponte Estacas, na estrada C-550 Liña recta imaxinaria que une Punta San Sadurniño con Punta Borrelo.
Verdugo Carballeira dos Franceses no lugar de Camboa, na marxe dereita, e O Cafexo, na marxe esquerda Liña recta imaxinaria que une Punta Ulló con Punta Muxeira.
