1. Autorización administrativa e estudio ambiental.

En cumprimento do disposto no Decreto 442/1990, do 13 de setembro, de avaliación do impacto ambiental para Galicia, Lei 6/2001, do 8 de maio, de modificación do Real decreto lexislativo 1302/1986, do 28 de xuño, de avaliación de impacto ambiental, para os efectos previstos na Lei 54/1997, do 27 de novembro, do sector eléctrico (BOE nº 285, do 28 de novembro) e no Real decreto 1955/2000, do 1 de decembro, sobre autorizacións de instalacións de enerxía eléctrica (BOE nº 310, do 27 de decembro) sométese a información pública a petición de autorización administrativa, aprobación do proxecto de execución e estudio do impacto ambiental para o trazado da liña eléctrica de referencia, que conta coas características técnicas que se relatan a continuación:

Peticionario: Enerfin, S.A.

Finalidade: interconexión eléctrica das subestacións eléctricas de Farelo e Faro para evacuación da enerxía xerada no parque eólico Farelo, e a evacuación da enerxía xerada no parque eólico Monte Cabeza.

Características técnicas principais:

-Liña eléctrica de alta tensión a 132 kV (tramo subestación Farelo-apoio número 19) para interconexión das subestacións eléctricas Farelo e Faro, de 4.578 metros de lonxitude dos que 4.425 metros de lonxitude corresponden á provincia de Lugo, composta por un circuíto con conductor por fase LA-280 e cable de terra OPGW para comunicacións sobre apoios metálicos de celosía.

-Liña eléctrica aérea de alta tensión a 132 kV (tramo apoio número 19, subestación Faro), para interconexión das subestacións eléctricas Farelo e Faro, de 8.232 metros de lonxitude dos que 3.176 metros corresponden á provincia de Lugo, composta por un circuíto cun conductor por fase LA-280 e clabe de terra OPGW para comunicacións sobre apoios metálicos de celosía.

-Liña eléctrica aérea de alta tensión a 30 kV (tramo apoio número 19-apoio número 48 bis), para evacuación da enerxía xerada no parque eólico Monte Cabeza de 8.224 metros de lonxitude dos que 3.168 metros corresponden á provincia de Lugo, composta por un circuíto cun conductor por fase LA-280 e cable de terra OPGW para comunicacións sobre apoios metálicos de celosía.

-Liña eléctrica soterrada de alta tensión a 30 kV (tramo apoio número 48 bis-subestación Faro) para evacuación da enerxía xerada no parque eólico Monte Cabeza, de 15 metros de lonxitude composta por un circuíto con conductor Al-800 e cable de terra disposto baixo tubo en canalización hormigonada.

2. Urxente ocupación.

O beneficiario, ó amparo do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública das instalacións incluídas neste proxecto, que, segundo o sinalado no artigo 54 da devandita lei, levará implícito en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa. Polo tanto, esta resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997, e no capítulo V do título VII do Real decreto 1955/2000, do 1 de decembro, sobre autorización de instalacións e enerxía eléctrica.

3. Alegacións.

O que se fai público para que poida examinarse o proxecto das instalacións nesta delegación provincial (edificio administrativo, Rolda da Muralla 70, Lugo), e formula-las alegacións, por duplicado, que se consideren oportunas durante o prazo de trinta días. Igualmente, poderanse corrixi-los erros que se encontren ó relaciona-los bens afectados ata o mesmo momento do levantamento das actas previas.

Así mesmo, o estudio de impacto ambiental correspondente ás instalacións da LAT 132 kV e 30 kV subestación eléctrica Farelo-subestación eléctrica Faro poderase examinar nas dependencias da Dirección Xeral de Calidade e Avaliación Ambiental, Delegación Provincial da Consellería de Industria e Comercio de Lugo, Delegación Provincial da Consellería de Medio Ambiente en Lugo e nos concellos de Antas de Ulla e Chantada, podendo presentarse cantas alegacións se consideren pertinentes ante esta Delegación Provincial de Lugo, dentro do mesmo prazo sinalado no parágrafo anterior. Finalizado o devandito prazo, o expediente, xunto coas alegacións recibidas remitiranselle á Dirección Xeral de Calidade e Avaliación Ambiental.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 11 de setembro de 2002.

Jesús Bendaña Suárez

Delegado provincial de Lugo

Relación de propietarios, bens e dereitos afectados

Expediente: 02/014 A.T.Provincia: Lugo.

LAT 132 e 30 kV S.E. Farelo-S.E. Faro.Termo municipal: Antas de Ulla.

Relación de propietarios, bens e dereitos afectados

Expediente: 02/014 A.T.Provincia: Lugo.

LAT 132 e 30 kV S.E. Farelo-S.E. Faro.Termo municipal: Chantada.

CONSELLERÍA DE POLÍTICA AGROALIMENTARIA E

DESENVOLVEMENTO RURAL