En virtude do establecido nos artigos 8, parágrafo terceiro, e 9.1º da Lei 6/1995, do 28 de xuño, pola que se crea o Consello Económico e Social de Galicia (publicado no DOG nº 133, do 12 de xullo) e nos artigos 8 e 10 do Regulamento de réxime interno deste (publicado no DOG nº 114, do 11 de xuño de 1996), e de acordo coa proposta efectuada pola organización correspondente,

DISPOÑO:

Artigo 1º

Noméase como membro titular do Consello Económico e Social de Galicia, en representación de Xóvenes Agricultores, a Manuel Domingo Fontela Ríos.

Artigo 2º

Noméanse como membros suplentes do Consello Económico e Social de Galicia, en representación de Xóvenes Agricultores, a Antonio de María Angulo e a Isabel Manzano Maceira.

Santiago de Compostela, nove de setembro de dous mil dous.

Manuel Fraga Iribarne

Presidente