Por acordo deste concello con data do 30 dos correntes, foi aprobado o prego de cláusulas administrativas que rexerá a poxa por procedemento aberto de alleamento da parcela nº 436 da zona de concentración de Montouto-Folgoso, o cal se expón ó público polo prazo de oito días, desde a última das publicacións deste anuncio no BOP ou Diario Oficial de Galicia, para efectos de reclamacións.
Simultaneamente anúnciase a poxa, se ben a licitación se aprazará, cando resulte necesario, no suposto de que se formulen reclamacións contra o prego de condicións, conforme o seguinte:
1. Obxecto: alleamento, como se dixo, da parcela de titularidade municipal nº 436 da zona de concentración parcelaria de Montouto-Folgoso, sita no lugar do Mato.
2. Tipo de licitación: 4.964,04 euros, á alza.
3. Fianza provisional: 2% do tipo de licitación.
4. Lugar e prazo de presentación de proposicións: nas oficinas municipais dentro do prazo de 26 días naturais contados desde a última das publicacións deste anuncio no BOP ou Diario Oficial de Galicia, de 9 a 13 horas dos días hábiles.
5. Modelo e documentación das propostas: están detallados na cláusula 7ª do prego de condicións, copia do cal pode ser retirada nas oficinas municipais durante o prazo de presentación.
6. Apertura de plicas: na Casa do Concello ás 12 horas do día hábil seguinte a aquel en que remate o prazo de presentación de proposicións, agás que coincida en sábado, realizándose neste caso o día seguinte hábil.
7. Información: Concello de Abegondo. Teléfono: 981 64 79 96.
Abegondo, 31 de agosto de 2002.
O alcalde
Rubricado