Advertidos erros no citado decreto, publicado no Diario Oficial de Galicia nº 158, do 19 de agosto de 2002, cómpre realiza-las seguintes correccións:

Na páxina 12.479, artigo 12, parágrafo 3, letra a), onde di: «Menos de 50 afiliados: 10 vocais», debe dicir: «Ata 50 afiliados: 10 vocais».

Na páxina 12.480, artigo 18, parágrafo 3, letra b), onde di: «Cando os membros da xunta xeral sexan máis de 14 e meanos de 20, os vocais serán 8», debe dicir: «Cando os membros da xunta xeral sexan 14 ou máis, pero menos de 20, os vocais serán 8».

Na páxina 12.491, artigo 77, parágrafo 2, onde di: «Tódolos cargos serán obrigatorios e gratuítos, sen prexuízo das indemnizacións que por razón de servicio correspondan en cada caso, segundo o acordado anualmente na xunta xeral», debe dicir: «Tódolos cargos serán gratuítos, sen prexuízo das indemnizacións que por razón de servicio correspondan en cada caso, segundo o acordado anualmente na xunta xeral».

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA