De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notificóuselle a Basazuri, S.L. os datos da resolución da Dirección Xeral de Urbanismo do 15 de xullo de 2002, dictada no seguinte expediente de reposición da legalidade urbanística, por resultar ausente no reparto.

Expediente: 107 B-2002/41-0 de reposición da legalidade urbanística.

Denunciado: Basazuri, S.L.

Condición: promotor das obras.

Último enderezo coñecido: r/ Álvaro Cunqueiro, nº 1, 2º dereita.

Feitos: explotación de canteira de feldespato sódico en solo rústico protexido.

Lugar: A Áspera.

Municipio: Barreiros.

Contido da parte dispositiva da resolución:

Primeiro.-Incoar expediente de reposición da legalidade urbanística pola realización das obras arriba descritas sen a preceptiva licencia municipal, das que é promotor Basazuri, S.L.

Segundo.-Notificarlle esta resolución ó interesado, que poderá alegar e presenta-los documentos e xustificantes que estime pertinentes no prazo máximo de dez días hábiles, contados desde o día seguinte ó da notificación desta resolución.

Para que conste e lles sirva de notificación ós citados denunciados en cumprimento do disposto no artigo 59.4º da citada Lei 30/1992, do 26 de novembro, expido e asino esta cédula.

Santiago de Compostela, 28 de agosto de 2002.

José Jesús Cudeiro Mazaira

Director xeral de Urbanismo