Aprobación inicial do proxecto de urbanización do polígono I do PERI II-12 Florida B (expediente 4367/401).

O Consello da Xerencia Municipal de Urbanismo en sesión do día 1 de agosto de 2002, adoptou, entre outros, o seguinte acordo:

Primeiro.-Aprobar inicialmente o proxecto de urbanización do polígono 1 do PERI II-12 A Florida B, presentado pola xunta de compensación, con memoria e planos asinados polos arquitectos Enrique López Santander e Teodoro de Francisco Antes, e polo enxeñeiro Alberto Moreno García, visado polo Colexio de Enxeñeiros de Camiños no 22-5-2002 (expte. 4367/401).

Segundo.-Abrir un trámite de información pública polo prazo dun mes mediante publicación de anuncio no Diario Oficial de Galicia e nun dos xornais de maior circulación na provincia, con notificación individualizada do contido íntegro deste acordo a tódolos propietarios do polígono e demais interesados, na forma prevista nos artigos 58 e 59 da Lei 30/1992, do 26 de novembro.

Procédese ó trámite de información pública do expediente. O prazo entenderase aberto desde a primeira publicación, ata o remate do mes, contado desde o día seguinte ó da derradeira publicación. O expediente está á disposición do público no Departamento de Información Urbanística da Xerencia de Urbanismo (planta baixa do edificio da xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados.

Vigo, 5 de setembro de 2002.

Carlos González Príncipe

Alcalde-presidente da Xerencia Municipal

de Urbanismo acctal.