Eu, César López Arribas, secretario xeral do Concello de Lalín (Pontevedra), certifico que na sesión ordinaria realizada pola Comisión de Goberno o día 23 de xullo de 2002, se adoptou, entre outros, o seguinte acordo:

11º. Proxecto de urbanización da ampliación do solo empresarial Lalín 2000.

Visto o expediente do proxecto de urbanización da ampliación do solo empresarial Lalín 2000, por instancia de Xestur Pontevedra, redactado polo enxeñeiro de Camiños Benito Fernández González, e tendo en conta o informe técnico, e visto o acordo da Comisión de Goberno de aprobación inicial del con data do 2 de abril de 2002, foi exposto ó público o luns 13 de maio de 2002 (DOG nº 91), e logo de deliberación e por unanimidade dos asistentes, acordouse:

Primeiro.-Aprobar definitivamente o proxecto de urbanización da ampliación do solo empresarial Lalín 2000.

Este acordo condiciónase resolutoriamente a poñer á disposición do concello os terreos previstos no plan parcial, como sistemas xerais de cesión obrigatoria e gratuíta antes da finalización das obras deste proxecto, de acordo co escrito de Xestur Pontevedra, S.A. do 19 de xullo de 2002. Vincúlanse, polo tanto, as obras deste proxecto á posta en funcionamento da ampliación do polígono Lalín 2000.

Segundo.-De conformidade co disposto no artigo 44.3º da Lei 1/1997, do solo de Galicia, o concello procederá á publicación deste acordo no DOG, e notificaráselle á entidade promovente.

E para que conste e para uni-lo expediente da súa razón, expido este anuncio e co visto e prace do alcalde, en Lalín o 23 de xullo de 2002.

Visto e prace

O alcalde

Rubricado