De conformidade co disposto nas bases 6 e 7 da convocatoria das probas selectivas para o ingreso no cadro de persoal laboral fixo de técnico en contabilidade e control orzamentario do CIXTEC, convocadas por Resolución do 9 de abril de 2002 (DOG do 27 de maio), elévase a definitiva a proposta do tribunal dos aspirantes que superaron o proceso selectivo na categoría de técnico en contabilidade e control orzamentario, que figuran no anexo da presente resolución.
Os aspirantes que constan no citado anexo deberán presentar, no prazo de 15 días naturais contados a partir do día seguinte ó da publicación desta resolución no Diario Oficial de Galicia, no CIXTEC, a documentación a que se refire a base 7.1º da convocatoria.
Contra a presente resolución os interesados poderán interpoñer recurso de reposición potestativo no prazo dun mes a partir da publicación desta resolución no Diario Oficial de Galicia, ante o mesmo órgano que dicta o acto e, ademais, recurso contencioso-administrativo ante o órgano xurisdiccional contencioso-administrativo no prazo de dous meses.
Santiago de Compostela, 5 de setembro de 2002.
Gonzalo Gómez Montaña
Director xeral do Centro Informático para a Xestión Tributaria, Económico-Financeira e Contable
ANEXO
Lista de aspirantes que superaron o proceso selectivo de persoal laboral fixo de técnico en contabilidade e control orzamentario do CIXTEC:
Nome e apelidos: Juan Casal Pernas.
DNI: 33284602-Z.
Nota 1º exercicio: 21.
Nota 2º exercicio: 25.
Nota 3º exercicio: 17.
Nota 4º exercicio: apto.
Total: 63.