DOG 172 do 06/09/2002 - RESOLUCIÓN do 26 de agosto de 2002, da Dirección Xeral de Calidade e Avaliación Ambiental, pola que se somete a información pública o estudio de impacto ambiental para unha planta móbil de tratamento de residuos oleosos que se situará dentro das instalacións de Repsol Petróleo C.I. A Coruña, promovida por Europea de Mantenimiento Industrial, S.A.

VI. ANUNCIOS

DA ADMINISTRACIÓN AUTONÓMICA

CONSELLERÍA DE MEDIO AMBIENTE

RESOLUCIÓN do 26 de agosto de 2002, da Dirección Xeral de Calidade e Avaliación Ambiental, pola que se somete a información pública o estudio de impacto ambiental para unha planta móbil de tratamento de residuos oleosos que se situará dentro das instalacións de Repsol Petróleo C.I. A Coruña, promovida por Europea de Mantenimiento Industrial, S.A.

En cumprimento do disposto no artigo 5, punto 2º, do Decreto 442/1990, do 13 de setembro, de avaliación do impacto ambiental para Galicia (Diario Oficial de Galicia nº 188, do 25 de setembro), o órgano ambiental someterá o estudio de impacto ambiental ó trámite de información pública mediante anuncio no Diario Oficial de Galicia.

Na súa virtude,

RESOLVO:

1. Someter a información pública o estudio de impacto ambiental para unha planta móbil de tratamento de residuos oleosos.

2. Para os devanditos efectos informativos, poranse á disposición dos administrados exemplares nas seguintes dependencias:

* Dirección Xeral de Calidade e Avaliación Ambiental.

* Delegación Provincial da Consellería de Medio Ambiente da provincia da Coruña.

3. As alegacións formularanse durante o prazo de trinta (30) días contados a partir do seguinte día ó da publicación da presente resolución no Diario Oficial de Galicia.

Santiago de Compostela, 26 de agosto de 2002.

P.D.

Mª José Echevarría Moreno

Subdirectora xeral de Avaliación Ambiental