En cumprimento do disposto no acordo do 29 de maio de 2002 desta dirección xeral, polo que se establece o procedemento de tramitación de urxencia no procedemento de avaliación de impacto ambiental do citado proxecto, reducíndose á metade os prazos de tramitación, o órgano ambiental somete o estudio de impacto ambiental ó trámite de información pública mediante anuncio no Diario Oficial de Galicia, durante o prazo de 15 días.

Na súa virtude:

RESOLVO:

1. Someter a información pública, o estudio de impacto ambiental do proxecto de transformación en regadío da comarca da Limia (Ourense).

2. Para os devanditos efectos informativos poranse, á disposición dos administrados, exemplares nas seguintes dependencias:

-Dirección Xeral de Calidade e Avaliación Ambiental.

-Delegación Provincial da Consellería de Medio Ambiente da provincia de Ourense.

-Delegación Provincial da Consellería de Política Agroalimentaria e Desenvolvemento Rural.

3. As alegacións formularanse formularanse durante o prazo de quince (15) días, contados a partir do día seguinte ó da publicación desta resolución no Diario Oficial de Galicia.

Santiago de Compostela, 31 de xullo de 2002.

P.D.

Ángel García Arias

Subdirector xeral de Avaliación Ambiental