Por acordo do Pleno Municipal do 8 de agosto de 2002 foron aprobados os pregos de cláusulas administrativas particulares e prego de prescricións técnicas que rexerán o concurso para a contratación en réxime de concesión dos servicios de limpeza
viaria, recollida e transporte de RSU orgánicos, envases, limpeza e mantemento de xardíns e zonas verdes e explotación do vertedoiro de residuos da construcción e punto limpo, dispoñendo a súa exposición ó público durante o prazo de oito días de conformidade co artigo 122 do Real decreto lexislativo 781/1986, do 18 de abril, publicándose de modo simultáneo a licitación, se ben se aprazará, de formularse reclamacións contra os referidos pregos.
Así mesmo, de conformidade co disposto no artigo 155 del Real decreto lexislativo 2/2000, do 16 de xuño, do texto refundido da Lei de contratos das administracións públicas, faise pública a licitación da concesión referida:
1. Obxecto: contratación en réxime de concesión dos servicios de limpeza viaria, recollida e transporte de RSU orgánicos, envases, limpeza e mantemento de xardíns e zonas verdes e explotación do vertedoiro de residuos da construcción e punto limpo.
2. Tramitación: ordinaria.
3. Procedemento: aberto.
4. Sistema de adxudicación: concurso.
5. Prezo e financiamento:
a) Canon polos servicios de recollida e traslado de residuos orgánicos, limpeza viaria, xardinería e xestión do punto limpo, un máximo anual de catrocentos vintedous mil euros (422.000 A) IVE incluído.
b) Canon polo servicio de recollida e traslado de residuos de envases: cantidades fixadas por kg no acordo marco Xunta de Galicia-Ecoembés para o Concello de Ribadeo.
c) Canon pola xestión do servicio de depósito de inertes: 5 euros/Tm. Segundo ordenanza reguladora da taxa do vertedoiro, con cargo á partida orzamentaria 442.227.
6. Prazo de concesión: 25 anos para a xeneralidade dos servicios coas reservas para o servicio de recollida e traslado de envases, que se iniciará a partir do 8 de maio de 2003.
7. Fianza provisional: 3.000 euros.
8. Fianza definitiva: 30.000 euros.
9. Presentación de ofertas: durante os 15 días naturais seguintes ó da publicación deste anuncio no DOG, presentándoas no rexistro do concello ou remitíndoas por correo, comunicándoo, neste caso, mediante telegrama ou fax.
O prego de condicións económico-administrativas particulares e de prescricións técnicas está á disposición de tódolos contratistas interesados nas oficinas xerais do Concello de Ribadeo, praza de España, nº 1, 27700 Ribadeo (Lugo), teléfono: 982 12 86 50, fax: 982 13 09 75, horario de atención ó público de 9 a 14 horas, de luns a venres.
10. Modelo de proposición: segundo o prego de condicións económico-administrativas.
11. Apertura de proposicións: realizarase pola mesa de contratación en acto público, segundo o prego de condicións dentro dos 10 días seguintes ó do remate da presentación de ofertas e previa contratación ós licitadores.
Ribadeo, 14 de agosto de 2002.
José Carlos Rodríguez Andina
Alcalde