Polo Pleno da Corporación, en sesión extraordinaria celebrada o 29-8-2002, acordouse prestar aprobación inicial, coas modificacións sinaladas no texto íntegro do acordo aprobatorio, ó Plan Xeral de Ordenación Municipal do Concello de Arteixo, redactado por CIISA.

Ó mesmo tempo acordouse somete-lo citado plan xeral a información pública polo prazo legalmente establecido, durante o cal poderá ser examinado, na Casa do Concello, por calquera persona para formula-las alegacións ou observacións que considere pertinentes.

Para a estes efectos o período de información pública finalizará transcorrido un mes desde o día seguinte ó da publicación do último dos anuncios que se inserirán no Diario Oficial de Galicia, BOP e no diario La Voz de Galicia.

De conformidade co disposto no artigo 34.2º da Lei 1/1997, do 24 de marzo, do solo de Galicia, queda suspendido o outorgamento de licencias de parcelación de terreos, edificación e demolición en todo o termo municipal excepto:

-No solo clasificado como urbano polas actuais normas subsidiarias de planeamento do Concello de Arteixo.

-Nas zonas dos núcleos rurais non incluídas no ámbito de plans especiais de mellora de núcleos rurais.

Poderanse redactar, tramitar, aprobar e desenvolver ata a materialización das súas determinacións, incluso urbanización e edificación, os plans de

desenvolvemento previstos nas vixentes normas que afectan a solos aptos para urbanizar e tamén os plans especiais previstos nelas.

Arteixo, 30 de agosto de 2002.

Manuel Pose Miñones

Alcalde