Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.A., C.T.I., R.B.T., O Camiño Real, Río Seco.

Situación: Negreira.

Descricións técnicas: liña eléctrica aérea núa de media tensión, a 20 kV, sobre apoios de formigón e con conductor LA-56, de 846 m de lonxitude, coa orixe na liña que alimenta o C.T. A Braña e final no C.T.I. Camiño Real-Río Seco, que se vai instalar.

Centro de transformación, tipo intemperie, de 50 kVA e tensións de 20/0,380-0,220 kV do que parte rede de baixa tensión sobre apoios de formigón e conductor R.Z., de 3.380 m de lonxitude discorrendo polos lugares do Camiño Real, Río Seco, San Vicenzo de Aro e A Braña. Concello de Negreira.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 24 de xullo de 2002.

Jesús Espada Martínez

Delegado provincial da Coruña