O artigo 28 do vixente Estatuto de autonomía de Galicia establece no seu punto 2º a competencia da Comunidade Autonóma de Galicia para o desenvolvemento lexislativo e execución da lexislación do Estado en materia de expropiación forzosa.
As obras sinaladas no encabezamento da presente resolución atópanse incluídas no programa de obras que se realizará con cargo ó programa 413-B, construcción, conservación e explotación de estradas.
Con data do 15 de abril de 2002, procédese á aprobación do proxecto de trazado das obras de acondicionamento da estrada AC-162, treito: Sada-Bergondo, clave: AC/01/2.1. Termos municipais de Sada e Bergondo. polo director xeral de Obras Públicas, por delegación do conselleiro de Política Territorial, Obras Públicas e Vivenda.
Con data do 2 de maio de 2002, a Xunta de Galicia procedeu á declaración de utilidade pública e urxente ocupación dos bens e dereitos necesarios para efectos de expropiación para a mencionada obra por Decreto 175/2002, publicado no DOG nº 97, do 22 de maio de 2002.
Na súa virtude e en cumprimento do disposto nos artigos 52 da vixente Lei de expropiación forzosa do 16 de decembro de 1954 e 56 e seguintes do regulamento para a súa aplicación, este servicio, no uso das facultades que lle confire o artigo 98 da mencionada lei, resolveu convoca-los titulares de bens e dereitos afectados, para que comparezan no lugar, a data e a hora que se citan para proceder ó levantamento das actas previas á ocupación, nas que se recollerán os datos necesarios para determina-los bens e dereitos afectados e os prexuízos derivados da rápida ocupación, sen prexuízo de se trasladaren ó lugar dos predios se o consideran necesario.
-Casa do Concello de Sada.
Día: 23 de setembro de 2002.
Horario: de 9 horas a 10 horas.
De: Bouzas Pose, José A. e outra.
A: Sánchez Pose, Josefa.
-Casa do Concello de Bergondo.
Día: 23 de setembro de 2002.
Horario: de 11 horas a 14 horas.
De: Aguiar Franco, José Antonio.
A: Vázquez Taboada, Benigno.
A relación de titulares cos bens e dereitos afectados, así como os planos parcelarios correspondentes estarán expostos nos concellos de Sada e Bergondo, respectivamente, e no Servicio Provincial de Estradas da Xunta de Galicia (praza de Luís Seoane, s/n, 8ª planta) 15071 A Coruña.
A este acto deberán acudi-los titulares afectados, persoalmente ou ben representados pola persoa debidamente autorizada para actuar no seu nome, presentando os documentos acreditativos da súa titularidade, documento nacional de identidade e último recibo da contribución, podendo acompañarse pola súa conta, se o consideran oportuno, dos seus peritos e notario.
Así mesmo, e no cumprimento do establecido no artigo 56 do regulamento da Lei de expropiación forzosa ábrese información pública durante o prazo de 15 días hábiles, contados a partir do seguinte ó da publicación desta resolución no Boletín Oficial del Estado ou ata o momento do levantamento das actas previas á ocupación correspondente, co fin de que os interesados poidan formular por escrito, ante este Servicio Provincial de Estradas da Xunta de Galicia na Coruña, as alegacións que estimen pertinentes co obxeto de emendar posibles erros padecidos ó relaciona-los bens afectados pola urxente ocupación.
A Coruña, 9 de agosto de 2002.
José Luis Rodríguez Alonso
Enxeñeiro xefe do Servicio Provincial
de Estradas da Coruña
