Aprobación definitiva: acordo plenario do 28 de xuño de 2002.

Trámite: publicación.

Norma reguladora: artigo 48 da Lei do solo de Galicia e artigo 70.2º da Lei 7/1985.

O Concello de Nigrán aprobou definitivamente, en virtude da delegación prevista na Lei 7/1995, a proposta de modificación das normas subsidiarias de planeamento, relativa ó equipamento do cemiterio de Nigrán, facendo constar que no trámite do expediente de ampliación do cemiterio que no seu momento se leve a cabo ó amparo do disposto no artigo 51 e seguintes do Decreto 134/1998, Regulamento de policía sanitaria mortuoria de Galicia, se solicitará o preceptivo informe da Dirección Xeral de Patrimonio Cultural, tal e como dispón o artigo 54 do citado regulamento.

A citada resolución pon fin á vía administrativa, polo que contra ela cabe interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a publicación deste anuncio. Todo isto sen prexuízo de que se poida exercer, se é o caso, calquera outro recurso que se considere procedente.

Nigrán, 8 de xullo de 2002.

José Manuel Rial Cadaval

Alcalde