A Comisión de Goberno, en sesión de vintecatro de xuño de dous mil dous, acordou prestar aprobación definitiva ó proxecto de urbanización, formulado por Xestur Pontevedra coa finalidade de levar á práctica as obras de urbanización da segunda fase do parque empresarial do Campiño, dentro do marco do plan parcial correspondente ó solo urbanizable A-3, do vixente PXOU, con visado colexial nº 21447, de 17-12-2001, e documentación técnica complementaria, consistente en memoria, planos 4.1º, 4.3º, 4.3º.1, 4.4º, 5.1º e 12.2º.6, e orzamento, visada polo seu colexio profesional correspondente en data 30-4-2002, sendo redactada toda esta documentación polo enxeñeiro de camiños, canles e portos Benito Fernández González.
O que se fai público para a súa executividade, subliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que a dictou e no prazo dun mes contado desde o seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
No obstante, tamén se poderá interpoñer calquera outro recurso que os interesados estimen procedentes consonte a dereito.
Pontevedra, 12 de xullo de 2002.
Adolfo Castro Pérez
Secretario accidental
P.D.
Xosé Cesáreo Mosquera Lorenzo
Tenente de alcalde delegado da Área de Urbanismo e Medio Ambiente
