Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., CC.TT. Urbanización A Zapateira.

Situación: A Coruña.

Descricións técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV, de 3(1x240) mm Al, de 2.830 m de lonxitude, con orixe no apoio para paso aéreo-subterráneo para implantar na liña A Grela-Sigrás e final noutro apoio para paso subterráneo-aéreo na mesma liña, percorrendo vías da Urbanización Valaire na Zapateira e alimentando cinco transformadores.

Cinco centros de transformación en casetas prefabricadas de formigón das seguintes potencias, os nº 1 e 5 de 400 kVA, o nº 2 de 250 kVA o nº 3 de 400 kVA e o nº 4 de 630 kVA e tensións de 15/0,380-0,220 kV en Mera. Concello da Coruña.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 19 de xullo de 2002.

Jesús Espada Martínez

Delegado provincial da Coruña