Por Resolución do 30 de maio de 2002, o presidente de Portos de Galicia aprobou o proxecto de novo acceso ó porto de Combarro, no termo municipal de Poio.
En virtude do Decreto 182/2001, do 12 de xullo, o Consello da Xunta de Galicia, por proposta da Consellería de Política Territorial, Obras Públicas e Vivenda, e en aplicación do artigo 52 da Lei de expropiación forzosa, do 16 de decembro de 1954, acordou declara-la utilidade pública e urxente ocupación dos bens e dereitos afectados pola obra de clave PO-13-14-00-01, de novo acceso ó porto de Combarro.
Para tal efecto, convócanse os propietarios e titulares de bens e dereitos afectados que figuran na relación que se xunta, e que figura tamén exposta no taboleiro de anuncios do Concello de Poio, para que comparezan no lugar, data e hora que figuran nesta resolución, co obxecto de proceder ó levantamento das actas previas á súa ocupación, sen prexuízo de trasladarse ó lugar do predio, de considerarse necesario, co fin de recolle-los datos para a valoración dos bens e dereitos afectados.
Lugar: Casa do Concello de Poio.
Día: 11 de setembro de 2002.
Hora: 10 horas.
Ben afectado: predio nº 1.
Propietario: Francisco Albar López.
Superficie (m): 460,95.
Ó devandito acto deberán acudi-los titulares afectados persoalmente ou ben representados por persoa debidamente autorizada para actuar no seu nome, achegando os documentos acreditativos da súa titularidade e o último recibo da contribución; pódense facer acompañar, se o consideran oportuno e pola súa conta, dos seus peritos e dun notario.
Tendo en conta estes antecedentes, e en cumprimento do establecido no artigo 17.2º do Regulamento de expropiación forzosa, ábrese información pública ata o momento do levantamento da acta previa á ocupación, co fin de que os interesados poidan formular por escrito perante a Dirección Xeral de Obras Públicas, Delegación Provincial de Pontevedra, sita na rúa Alcalde Hevia, s/n, CP 36071 de Pontevedra, as alegacións que coiden pertinentes co obxecto de
emendar posibles erros padecidos ó relaciona-los bens afectados.
Pontevedra, 14 de agosto de 2002.
Ramón González Fernández
Enxeñeiro xefe en funcións do Servicio
Provincial de Estradas de Pontevedra