Por decreto da Alcaldía do 13 de agosto de 2002, acordouse estima-las alegacións interpostas ó prego de cláusulas administrativas que rexerán o procedemento para contratación das obras que se indican, anunciadas no BOP nº 151, do 3 de xullo de 2002 e no DOG nº 144, do 29 de xullo de 2002. Consonte con isto, modificouse o punto 2 da base XXI do prego aprobado o pasado 24 de xuño de 2002, o cal queda redactado como segue: «A valoración que a mesa de contratación realice das obras de características similares efectuadas polos licitadores, ben sexa para as administracións públicas ou para as empresas privadas, valoraranse de 0 a 8 puntos».
Así mesmo e consonte o anterior, vólvese anuncia-lo concurso, conforme o prego de condicións aprobado anteriormente coa corrección sinalada do punto 2 da base XXI.
1. Entidade adxudicadora: Concello de Toén, Ribadela, 1. 32930 Toén (Ourense).
2. Obxecto do contrato: obras de saneamento e abastecemento Toén-Moreiras-Alongos-Puga, de acordo co prego de cláusulas administrativas e
proxecto técnico redactado polo enxeñeiro de camiños Manuel Durán Fuentes e aprobado pola Alcaldía con data do 28 de maio de 2002.
Prazo de execución: tres meses.
3. Tramitación: urxente.
Procedemento: aberto.
Forma: concurso.
4. Tipo de licitación: 100.168 A, IVE e demais tributos incluídos.
5. Garantías.
Provisional: non se esixe.
Definitiva: 4% do tipo de licitación.
6. Obtención de información e documentación: na Secretaría do Concello de Toén, Ribadela, 1. 32930 Toén (Ourense). Teléfono: 988 26 10 74. Fax: 988 26 12 72.
7. Requisitos xerais do contratista: sinalados no prego de condicións administrativas, aprobado por Decreto do 24 de xuño de 2002 e modificado por Decreto do 13 de agosto de 2002.
Clasificación: non se esixe.
8. Presentación de proposicións.
a) Prazo do lugar: no rexistro xeral do Concello de Toén, durante 13 días naturais, contados desde o seguinte ó da publicación do presente anuncio no último dos boletíns en que apareza (BOP ou DOG), de 9 a 14 horas, de luns a venres. Encóntrase o proxecto técnico na Copistería Copyplaza, S.L., sita na praza Maior de Ourense, nº 8, así como o prego de condicións que rexerán a contratación para efectos de obtención de copias.
b) Documentación que hai que presentar:
Proposición para tomar parte na licitación para a contratación das obras de saneamento e abastecemento Toén-Moreiras-Alongos-Puga, nº 230/8/02, del POL 2002, polo procedemento aberto mediante concurso, convocado polo Concello de Toén.
Constarán de dous sobres pechados A e B, que conterán a documentación sinalada na cláusula XVIII do prego de condicións administrativas particulares, denominados:
Sobre A) documentación acreditativa da personalidade e características do contratista e garantía depositada.
Sobre B) oferta económica e criterios diferentes ó do prezo.
9. Apertura de ofertas: ás trece horas do segundo día hábil seguinte ó da finalización do prazo de presentación de proposicións, considerándose para este caso inhábil o sábado.
10. Gastos de anuncios: por conta do adxudicatario.
Toén, 14 de agosto de 2002.
O alcalde
Rubricado