Por resolución da Alcaldía do 29 de abril de 2002 adoptouse o acordo que a seguir se transcribe:
«Non se presentando reclamación contra a aprobación inicial do proxecto de urbanización en Lóngara, San Pedro de Benquerencia, promovido por Complejo Moas, S.L. e que desenvolve o plan parcial aprobado polo Pleno do 25-5-2001, segundo consta no certificado de exposición ó público e o seu resultado, que figura unido ó expediente, o dito proxecto de urbanización queda definitivamente aprobado, de conformidade co acordo adoptado pola Comisión de Goberno en sesión do 1-2-2002, no seu punto segundo».
Contra o anterior acordo cabe interpoñer recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte a aquel no que se practicou a notificación ou, de se-lo caso, a publicación, aínda que previamente, e con carácter potestativo, cabe interpoñer recurso de reposición perante o órgano que dictou o acordo, no prazo dun mes. Neste caso, contra a desestimación do recurso de reposición, o prazo para interpo-lo contencioso-administrativo será de dous meses contados desde o día seguinte ó da notificación ou, de se-lo caso, o de seis meses, contados desde a desestimación presunta, que se entenderá producida polo transcurso dun mes desde a interposición do recurso de reposición.
O que se publica para xeral coñecemento e para produci-los efectos previstos no presente acordo.
Barreiros, 16 de xullo de 2002.
Manuel Díaz Sampedro
Alcalde