A orde da Consellería da Presidencia, Relacións Institucionais e Administración Pública do 24 de maio de 2002 (DOG do 3 de xuño), aprobaba as bases da convocatoria de axudas para a realización de proxectos e investigacións sobre materias turísticas.
No punto sexto, da mencionada orde de convocatoria, determinábanse os criterios de selección que deberían ter en conta os membros da comisión correspondente.
Na súa virtude, e atendendo á proposta elaborada pola citada comisión, esta consellería
RESOLVE:
Primeiro.-Concedérlle-las axudas para a realización de proxectos e investigacións sobre materias turísticas, ás persoas que se relacionan no anexo desta orde. As axudas financiaranse con cargo á aplicación orzamentaria 04.06.432A.780.0 dos orzamentos da Comunidade Autónoma de Galicia para o ano 2002.
Segundo.-A inobservancia por parte dos beneficiarios de calquera das bases establecidas na orde de convocatoria do 24 de maio de 2002 (DOG nº 105, do 3 de xuño), suporá a perda do dereito a percibi-la axuda correspondente.
Terceiro.-Contra esta resolución poderán os interesados interpoñer recurso potestativo de reposición perante o conselleiro da Presidencia, Relacións Institucionais e Administración Pública, no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación da presente resolución no Diario Oficial de Galicia.
Disposición derradeira
A presente resolución entrará en vigor o día seguinte ó da súa publicación do Diario Oficial de Galicia.
Santiago de Compostela, 14 de agosto de 2002.
P.D. (Orde 24-5-2002, DOG do 3 de xuño)
Miguel Ángel Ríos Fernández
Secretario xeral de Investigación e Desenvolvemento
ANEXO
1º APELIDO 2º APELIDO NOME NIF
ABELLA VAZQUEZ CESAR 32676682-F
DOPICO GARCIA MONICA 32668961-Z
FERNANDEZ GOMEZ EVA MARIA 32666914-Z
GONZALEZ PEREZ LEONARDO 76901010-G
HERVELLA GARCIA GUSTAVO 76719161-Q
OTERO GAY XAQUELINE 33344059-Q
PEREZ ESCUDERO FERMIN 33331161-K
PEREZ GONZALEZ MARIA ISABEL 76623780-Q
TABOADA RODRIGUEZ JOSE JULIO 76816687-E
URCELAY MAJUELO IGNACIO 16301815-J