Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Socieda. Electicista de Tui, S.A.
Domicilio social: r/ Coruña 20, 36700 Tui.
Denominación: cambio de tensión de tódolas instalación da empresa.
Situación: concellos de Baiona, Gondomar, Salceda de Caselas, Tomiño e Tui.
Características técnicas: cambio de tensión de tódolas liña e centros de transformación de 15 kV a 20 kV. As instalacións están situadas nos concellos de Baiona, Gondomar, Salceda de Caselas, Tomiño e Tui.
Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte
ó da súa notificación. Tamén se pode interpor calquera outro recurso que se considere pertinente.
Pontevedra, 4 de xullo de 2002.
Carmen Bianchi Valcarce
Delegada provincial de Pontevedra