O Pleno deste Concello de Vigo, en sesión do 29 de xullo de 2002, adoptou entre outros, o seguinte acordo:

Primeiro.-Tomar coñecemento do avance do Plan Xeral de Ordenación Municipal de Vigo (expediente 7266/411), redactado por Consultora Gelega, S.L., con data de xuño de 2002, en execución do contrato de consultoría e asistencia técnica formalizado para a revisión e adaptación do novo PXOM de Vigo.

Segundo.-Somete-lo expediente ó trámite de información pública polo prazo de dous meses, mediante anuncio que se publicará no DOG e nun dos xornais de maior circulación da provincia co fin de que as distintas entidades e particulares se poidan formula-las suxestións que consideren oportunas e presenta-las propostas e convenios urbanísticos que estimen procedentes. O prazo ampliararase ata o 15 de outubro no suposto de que nesa data tivese con

cluído o de dous meses máis arriba citado, que se computará a partir do día seguinte a aquel no que teña lugar a última das publicacións.

Terceiro.-Remitir un exemplar do avance á Delegación do Goberno en Galicia, á CPTOPV da Xunta de Galicia e ós concellos integrantes da Mancomunidade de Vigo para que poidan achegar cantos documentos e informacións consideren que deban ser tidos en conta.

Sométese o presente expediente ó tramite de información pública polo prazo de dous meses, a través de publicación no DOG e nun dos xornais de maior circulación da provincia e taboleiro de anuncios da Xerencia Municipal de Urbanismo, segundo o establecido no artigo 41.1º da Lei 1/1997, do 24 de marzo, do solo de Galicia, significando que o prazo de exposición pública se entenderá aberto desde a primeira publicación, ampliándose este ata o 15 de outubro no suposto de que nesa data tivese concluído o de dous meses máis arriba citado, segundo o establecido no punto segundo da parte dispositiva do

acordo plenario, computándose o dito prazo a partir do día seguinte a aquel no que teña lugar a última das publicacións.

A documentación do presente expediente atópase a dispor do público en xeral na Oficina de Información Urbanística, na planta baixa da xerencia.

Vigo, 31 de xullo de 2002.

Lois Pérez Castrillo

Alcalde-presidente da Xerencia Municipal de Urbanismo