Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Electra del Jallas, S.A.

Domicilio social: pza. de Constitución, 17, 15270 Cee (A Coruña).

Denominación: L.M.T., C.T., R.B.T. Xallas.

Situación: Cee.

Descricións técnicas: liña eléctrica subterránea de media tensión, a 20 kV, baixo tubo e con conductor R.H.V. 12/20 kV de 3(1x95) mm Al, de 18 m de lonxitude, coa orixe no apoio nº 24 da liña Pontella-Muíños e final no C.T. Xallas, que se vai instalar.

Centro de transformación en caseta prefabricada de formigón, de 160 kVA e tensións de 15/0,380-0,220 V no lugar de Xallas, do que parte redes de baixa tensión sobre apoios de formigón e conductor R.Z. de 325 m e 38 m de lonxitude que se conectan a redes existentes. Concello de Cee.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 3 de xullo de 2002.

Jesús Espada Martínez

Delegado provincial da Coruña