En cumprimento do establecido no artigo 48 da Lei 1/1997, do 24 de marzo, do solo de Galicia e artigo 8 da Lei 7/1995, do 29 de xuño, de delegación e distribución de competencias en materia de urbanismo, faise público que o Pleno desta Corporación, na sesión extraordinaria do día 19 de xullo de 2002, acordou o seguinte:
1. Aprobar definitivamente os convenios urbanísticos formalizados con Honorato Losada Zorelle, Félix Domínguez Pérez e Mahía Grupo Inmobiliario, S.L. O acordo adoptouse cos 7 votos favorables dos membros presentes do grupo de Goberno, maioría absoluta legal, e coa abstención dos 2 representantes do PSdeG-PSOE e dos 3 do BNG.
2. Aprobar definitivamente o Plan xeral de ordenación municipal, segundo o texto refundido elaborado polo equipo redactor e coas correccións e rectificacións ordenadas pola Xunta de Galicia, segundo escrito do conselleiro de Política Territorial, Obras Públicas e Vivenda, do 12 de xuño de 2002, no que emite informe favorable sobre o PXOM deste concello, coa expresa condición de que con anterioridade á súa aprobación definitiva se dea exacto cumprimento ó contido do referido informe. O acordo adoptouse cos 7 votos favorables dos membros presentes do grupo de Goberno, maioría absoluta legal,
e cos votos en contra dos 2 representantes do PSdeG-PSOE e dos 3 do BNG.
Contra estes acordos poderase interpoñer potestativamente o recurso de reposición ante o Pleno Municipal, no prazo dun mes, como trámite previo ó contencioso-administrativo, ou ben directamente o recurso contencioso administrativo ante o Tribunal Superior de Xustiza de Galicia, no prazo de 2 meses, todo isto de conformidade co disposto nos artigos 52 da Lei 7/1985, 116 e 117 da lei 4/1999 e 46 da Lei 29/1998, así como lexislación concordante.
Este anuncio cumpre así mesmo o disposto no artigo 59.4º e 5º da Lei de réxime xurídico das administracións públicas e do procedemento administrativo común, en canto ás notificacións a tódolos interesados no expediente.
Barbadás, 2 de agosto de 2002.
José Manuel Freire Couto
Alcalde
