Aprobado polo Concello Pleno na súa sesión do 30-7-2002 o prego de cláusulas administrativas particulares que rexerá na contratación por concurso urxente do servicio de conserxería e limpeza do CEIP Insua Bermúdez de Vilalba, exponse ó público na Secretaría deste Concello polo prazo de 8 días, contados a partir do seguinte ó da última publicación deste anuncio no BOP ou no DOG, para os efectos de exame e reclamacións. Simultaneamente, anúnciase a contratación do dito servicio, se ben no suposto de presentarse reclamacións contra o prego de cláusulas, o concurso aprazarase, de ser necesario, ata que sexan resoltas pola Corporación.

-Entidade adxudicadora: Concello de Vilalba.

-Obxecto do contrato: servicio de conserxería e limpeza do CEIP Insua Bermúdez.

-Tipo de licitación: 40.000 A anuais, IVE incluído.

-Duración do contrato: 2 anos.

-Forma de adxudicación: concurso aberto, tramitación urxente.

-Proposicións: os licitadores poderán presentar proposicións no rexistro xeral do Concello, das 10 ás 14 horas, dentro dos 10 días naturais seguintes, contados desde a última publicación do anuncio no BOP de Lugo ou no DOG.

-Documentación, información: Concello de Vilalba (Secretaría). Tfno.: 982 51 03 05. Fax: 982 51 18 15.

-Clasificación: non se esixe.

-Criterios de adxudicación: os sinalados na cláusula décimo sétima do prego de condicións.

-Garantías: provisional, 800 A; definitiva, 4% do prezo de adxudicación.

-Apertura de plicas: ás 13 horas do 3º día hábil, non sábado, seguinte ó remate do prazo de presentación de proposicións.

Vilalba, 31 de xullo de 2002.

O alcalde

Rubricado