Pola presente cédula, e debido a que os abaixo relacionados non se atoparon nos domicilios que figuran nos rexistros deste centro, ou que se alegaron distintas causas para non recibi-las notificacións polas persoas que a lexislación autoriza para facerse cargo delas, comunícaselles ás persoas incluídas na relación que se insire que:

Segundo o recollido no anexo II do Real decreto 63/1995, do 20 de xaneiro, sobre ordenación de prestacións sanitarias do Sistema Nacional de Saúde, así como no artigo 83 da Ley xeral de sanidade e na disposición adicional 22 do texto refundido da Ley xeral da Seguridade Social, aprobado por Real decreto lexislativo 1/1994, do 20 de xuño, de no achegaren no prazo de 10 días os datos e documentación necesaria para poder facturar ó terceiro obrigado ó pagamento a asistencia sanitaria que lles foi prestada neste centro sanitario, os gastos asistenciais serán ó seu cargo, tal e como se recolle no artigo 1 do Decreto 70/2001, do 22 de marzo, polo que se establecen as tarifas dos servicios sanitarios prestados nos centros dependentes do Servicio Galego de Saúde (DOG nº 68, do 5 de abril), polo que se emitirá factura de gastos sanitarios ó seu nome.

Para todo tipo de consulta ou aclaración sobre a documentación que hai que achegar, deberán poñerse en contacto co servicio de facturación deste centro sanitario, teléfono: 986 81 60 28.

Para que conste, sirva de notificación ós interesados e en cumprimento do disposto no artigo 59.4º da Ley 30/1992, do 26 de novembro, de réxime xurídico das administracións públicas e do procedemento administrativo común, modificada pola

Ley 4/1999, do 13 de xaneiro, expido, asino e selo esta cédula.

Vigo, 28 de xuño de 2002.

Manuel Sánchez Delgado

Director xerente do Complexo Hospitalario Xeral-Cíes de Vigo

ANEXO