O Pleno do Concello de Vigo, en sesión do día 29 de abril de 2002, adoptou o seguinte acordo:

Primeiro.-Aprobar definitivamente a modificación puntual número 2 do Plan Especial de Equipamento Docente e Infraestructura Viaria no Campus Universitario das Lagoas-Marcosende, promovida polo Vicerrectorado de Planificación da Universidade de Vigo e proxectado polo arquitecto José Carlos Rodríguez Otero (expediente 6196/411).

Segundo.-Todo proxecto de obras que afecte as áreas de protección arqueolóxicas delimitadas nese ámbito deberá ter emitido informe antes da súa aprobación, a Dirección Xeral de Patrimonio Cultural da Xunta de Galicia.

Terceiro.-Notifíqueselles este acordo ós interesados, coa advertencia de que contra el cabe interpor recurso contencioso-administrativo perante o Tribunal Superior de Xustiza de Galicia no prazo de dous meses. Publíquese no BOP e no DOG. Comuníquese á Consellería de Política Territorial, Obras Públicas e Vivenda da Xunta de Galicia, con cumprimento dos trámites previstos no artigo 48 LSG.

Contra o devandito acordo que pon fin a vía administrativa poderá interpoñerse recuros contencioso-administrativo no prazo de dous meses contados desde o día seguinte ó da publicación deste anuncio.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignora o lugar de notificación ou intentada esta non se puidese practicar.

Vigo, 14 de maio de 2002.

Lois Pérez Castrillo

Alcalde-presidente da Xerencia Municipal de Urbanismo