O Pleno do Concello de Vigo en sesión do 27 de maio de 2002, adoptou o acordo de aprobar inicialmente o expediente de modificación puntual nº 20 do PXOU-93 de Vigo (expediente 5663/411), relativo á normativa de entreplantas do plan xeral, segundo a documentación redactada polos servicios técnicos municipais da oficina de planeamento, xestión da Xerencia de Urbanismo en execución do acordo do Consello da Xerencia de 27-4-2000 e tendo en conta os informes emitidos polo conselleiro da CPTOPV da Xunta de Galicia en datas 26-7-2000 e 8-4-2002.

Sométese o presente expediente ó trámite de información pública polo prazo dun mes, mediante publicación no DOG, nun dos xornais de maior circulación da provincia e taboleiro de anuncios da Xerencia Municipal de Urbanismo, segundo o establecido no artigo 42.1º da Lei 1/1997, do 24 de marzo, do solo de Galicia. O prazo de exposición pública entenderase aberto desde a primeira publicación ata o remate do mes contado desde o derradeiro anuncio.

A documentación do presente expediente atópase ó dispor do público en xeral na oficina de información urbanística, na planta baixa da Xerencia.

O presente anuncio servirá de notificación, nos termos establecidos nos artigos 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos e todas aqueles/as interesados/as directamente afectados/as que por resultaren descoñecidos/as ou ignora-lo seu domicilio non poidan ser notificados/as persoalmente.

Vigo, 19 de xuño de 2002.

Lois Pérez Castrillo

Alcalde presidente da Xerencia

Municipal de Urbanismo