A Comisión de Goberno, en sesión de 24 de xuño de 2002, acordou prestar aprobación definitiva ó proxecto de urbanización da unidade de actuación nº 12 do Plan Xeral Municipal de Ordenación Urbana San Amaro e enlace coa rúa da Estrada, visado pola delegación en Pontevedra do COAG en data 29-5-2001 e planos números 8, 16 e o de detalles eliminación de barreiras arquitectónicas e memoria de seguridade e saúde, con data de visado colexial de 14-12-2001, anulando e substituíndo os seus correlativos anteriores, documentación toda ela redactada pola arquitecta Teresa Táboas Veleiro, promovido, mediante iniciativa particular, por Bernardo López Abadín, representado pola entidade mercantil Talcovi Promociones, S.L.
O que se fai público para a súa executividade, suliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que o dictou e no prazo dun mes a contar desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 23 de xullo.
De se interpoñe-lo recurso postestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo trancurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte daquel no que
se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso que os interesados estimen procedentes consonte a dereito.
Pontevedra, 8 de xullo de 2002.
Julio Dapena Outomuro
Secretario xeral
P.D.
Xosé Cesáreo Mosquera Lorenzo
Teniente alcalde delegado da Área de Urbanismo e Medio Ambiente
