Eu, Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 273/2002 por instancia de David Orlando Avilez Fuentes contra a empresa Fogar Gas, S.L. sobre despedimento, nos que recaeu sentencia que copiada nos particulares necesarios di así:
«Decido que estimando a demanda promovida por David Orlando Avilez Fuentes contra a empresa Fogar Gas, S.L. debo declarar e declaro improcedente o despedimento efectuado ó demandante e así mesmo extinguida a relación laboral que unía ós litigantes ó día de hoxe, condenando a demandada a estar e pasar pola anterior declaración e ó aboamento da cantidade de 5.653,69 euros no concepto de indemnización, e os salarios deixados de percibir desde a data do despedimento ata esta resolución, que ascenden á suma de 3.069,97 euros.
Así por esta miña sentencia contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de emprende mediante comparecencia ou por escrito sendo indispensable no momento de anuncialo o recorrente, sé é empresario, exhiba perante este Xulgado do Social o xustificante acreditativo de ter depositado no Banco Bilbao Vizcaya, oficina principal desta cidade, en conta corrente deste xulgado, número identificador 5.605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, en el que deberá facerse consta-la responsabilidade solidaria do avalista; sen este requisito non poderá terse por anunciado o recurso e quedará firme a sentencia. Deberá consignar además a cantidade de 25.000 pesetas na mesma conta coa clave 65, entregándose o xustificante na secretaría no momento
de interpoñe-lo recurso, declarándose este desistido de non constituírse o depósito na forma indicada. Definitivamente xulgando en primeira instancia, pronúncio, mándoo e asínoo.
Así por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Fogar Gas, S.L. expido e asino esta cédula na Coruña o 27 de xuño de 2002.
A secretaria xudicial
Rubricado
