Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Electra del Viesgo I, S.A.
Domicilio social: r/ Medio, 12, 39003 Santander.
Denominación: ampliación dunha liña de 132 kV na subestación de Meira.
Situación: Meira.
Características técnicas: ampliación do parque de 132 kVA implementación dunha nova posición de liña de 132 kV. Ampliación do embarrado principal de 132 kV. Control, medida e protección da nova posición de liña. Ampliación dos servicios auxiliares mediante a instalación dun trafo de 100 kVA de potencia e relación de transformación 20.000/400 V.
Cumpridos os trámites ordenados na Lei 54/1997, do 27 de novembro, e no capítulo VII do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpoñer recurso de alzada ante o conselleiro de Industria e Comercio no prazo dun mes, contado a partir do día seguinte
ó da notificación desta resolución; tamén se pode interpor calquera outro recurso que considere pertinente ó seu dereito.
Lugo, 11 de xuño de 2002.
Jesús Bendaña Suárez
Delegado provincial de Lugo