Con data do 28 de maio de 2002, a Universidade de Santiago de Compostela (USC) e a Fundación Cidade da Cultura de Galicia asinaron un convenio de colaboración para levar a cabo o proxecto de dixitalización e conservación do patrimonio bibliográfico do fondo antigo da Biblioteca Universitaria de Santiago de Compostela.

Na cláusula 5ª do dito convenio establécese que a Fundación Cidade da Cultura de Galicia financiará os gastos para a dixitalización, cun orzamento máximo de 150.253 euros.

Para levar a cabo os ditos traballos de dixitalización, a Universidade de Santiago de Compostela

conta cun servicio propio denominado Centro de Edición Dixital da USC. O dito servicio xestiónase indirectamente baixo a modalidade de sociedade de economía mixta consonte o establecido no artigo 156 letra d) do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas (TRLCAP). Para a constitución da dita sociedade de economía mixta, celebrouse a oportuna licitación do contrato por concurso público, procedemento aberto. Este foi adxudicado á empresa Tórculo Artes Gráficas, S.A.L. por Resolución do 30 de xaneiro de 2001. A dita empresa e a propia Universidade de Santiago de Compostela, constituíron, tal e como establecía o contrato asinado, a empresa Unidixital, S.L., cunha participación maioritaria da Universidade de Santiago de Compostela no capital social dela do 51%.

Do anterior dedúcese a improcedencia da convocatoria dunha nova licitación pública para a contratación dos traballos de dixitalización obxecto do convenio de referencia, por dispoñer a Universidade de Santiago de Compostela dun servicio propio e ó non ser posible, ademais, cumpri-los requisitos establecidos no artigo 202.1º do TRLACAP que establece, con carácter de precepto básico, a necesidade de incorporar ó expediente de contratación «un informe no que se xustifique axeitadamente a insuficiencia, a falta de adecuación ou a conveniencia de non ampliación dos medios persoais e materiais con que conta a Administración para cubri-las necesidades que se trata de satisfacer a través do contrato».

Por todo o exposto, cumpríndose no presente caso os requisitos establecidos no artigo 15.5º da Lei 30/1992, do 26 de novembro, de réxime xurídico das administracións públicas e do procedemento administrativo común (LRX-PAC), o rector resolve:

Encargar directamente mediante a presente encomenda de xestión os traballos de dixitalización dos fondos bibliográficos obxecto do convenio de referencia, á empresa Unidixital, S.L., sociedade que xestiona o Centro de Edición Dixital da Universidade de Santiago de Compostela, polo importe total establecido nel (150.253 euros, IVE incluído).

Contra esta resolución que esgota a vía administrativa, poderá interpoñerse recurso contencioso-administrativo perante o Xulgado do Contencioso-Administrativo de Santiago de Compostela, no prazo de dous meses, contados desde a súa recepción, de conformidade cos artigos 8 e 46 da Lei 29/1998, do 13 de xullo, reguladora da xurisdicción contencioso-administrativa. Non obstante, os interesados poderán interpoñer recurso potestativo de reposición no prazo dun mes, perante o Rectorado da Universidade de Santiago de Compostela. Neste caso non se poderá interpoñe-lo recurso contencioso-adminis

trativo, ó abeiro dos artigos 116 e seguintes da LRX-PAC, modificada pola Lei 4/1999, do 13 de xaneiro.

Santiago de Compostela, 13 de xuño de 2002.

O rector

Rubricado