Observado erro nas bases que rexerán na convocatoria para a provisión en propiedade, polo procedemento de oposición libre, de dúas prazas de gardas da policía local, vacantes no cadro de persoal deste concello, corríxense estas no xeito que segue:

1. Subtitúense as palabras concurso-oposición por oposición libre en todo o texto das bases.

2. Elimínase o parágrafo último do punto 3º d), que di: «Os aspirantes deberán engadirlle á instancia a relación de méritos que aleguen e os documentos xustificativos correspondentes, ben en orixinal ou fotocopia autenticada, e que serán cualificados na fase de concurso».

3. No punto 7. Sistema de selección, onde di: «A selección dos aspirantes farase polo sistema de concurso-oposición e constará de tres fases: fase de concurso (...)», debe dicir: «A selección das aspirantes farase polo sistema de oposición libre e constará de dúas fases: probas selectivas e curso de formación na Academia Galega de Seguridade (...)».

4. Elimínase o epígrafe fase de concurso do punto 7, que di:

-Fase de concurso.

Nesta fase cualificaranse os méritos persoais de cada aspirante, de acordo co seguinte baremo:

a) Desenvolvemento do posto de auxiliar de policía ou policía local no concello de Cee: 0,75 puntos por mes traballado.

b) Desenvolvemento do posto de auxiliar de policía ou policía local noutro concello: 0,01 puntos por mes traballado.

c) Ter superado as probas selectivas en procesos anteriores neste ou noutros concellos: 0,,11 puntos por proba superada.

Que desta resolución se remita copia ó BOP e ó Diario Oficial de Galicia, para a súa publicación.

Mándao e asínao o alcalde-presidente e do cal eu, secretaria accidental, dou fe.

Cee, 6 de xuño de 2002.

O alcalde

Rubricado

A secretaria accidental

Rubricado