De conformidade coa proposta da comisión designada para xulga-lo concurso que convocou esta universidade por Resolución do 10 de outubro de 2001 (BOE do 26 de outubro), para a provisión da praza número 01/063 de catedrática de escola universitaria da área de coñecemento de expresión gráfica da enxeñería, do departamento de Enxeñería Industrial desta universidade, a favor de Maria Mercedes Insua Cabanas, e unha vez que a interesada acreditara os requisitos ós que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María Mercedes Insua Cabanas, catedrática de escola universitaria da área de coñecemento de expresión gráfica da enxeñería, do departamento de Enxeñería Industrial desta universidade.
A Coruña, 27 de xuño de 2002.
José Luis Meilan Gil
Rector da Universidade da Coruña