Outorgada a declaración de utilidade pública, en concreto, por resolución da Consellería de Industria e Comercio con data do 11 de xuño de 2002, que leva implícita a urxente ocupación dos bens e dereitos afectados polas instalacións de:

-26 aeroxeradores.

-1.300 kW de potencia unitaria por aeroxerador.

-33,8 MW de potencia instalada total.

-26 transformadores.

-Rede eléctrica soterrada de media tensión a 20 kV.

-1 subestación transformadora intemperie.

Do referido parque eólico (expediente nº 4/1999), a prol da entidade beneficiaria Unión Fenosa Energías Especiales, S.A., con enderezo na rúa Betanzos, número 1, 1º esq. 15004 A Coruña.

Esta delegación acorda sinala-los días 2, 6 e 9 de setembro de 2002 para o levantamento das actas previas á ocupación, de conformidade cos artigos 52 da Lei de expropiación forzosa, do 16 de decembro de 1954 e 56 do seu Regulamento do 26 de abril de 1957, nas que se describirán os bens ou dereitos contidos na relación de predios anexo a esta resolución, afectados por expropiación en pleno dominio e servidumes de voo e protección eólica para producción de enerxía eléctrica; acto ó que deberán concorre-los propietarios propostos dos predios afectados, os que se lles practicará notificación individual, sinalándoselles os días e horas nos que se levará a efectos o levantamento das actas nas oficinas da Casa do Concello de Camariñas, sen prexuízo de desprazárense ós predios.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así, dirixirlle ó Ministerio Fiscal, as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 3 de xullo de 2002.

Jesús Espada Martínez

Delegado provincial da Coruña

ANEXO

Relación de propietarios, bens e dereitos afectados

Parque eólico Peña Forcada.

Provincia: A Coruña.

Concello: Camariñas.