De conformidade coa proposta elevada pola comisión constituída para xulga-lo concurso convocado por resolución desta universidade do 10 de xullo de 2001 (BOE do 2 de agosto) para a provisión dunha praza de profesor titular de universidade da área de coñecemento de lingüística xeral, do departamento de Literatura Española, Teoría da Literatura e Lingüística Xeral da Universidade de Santiago de Compostela, a prol de Juan José López Rivera e tendo en conta que o interesado cumpre os requisitos a que alude o punto 2 do artigo 5º do Real decreto 1888/1984, do 26 de setembro.
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Juan José López Rivera, profesor titular de universidade da área de coñecemento de lingüística xeral, do departamento de Literatura Española, Teoría da Literatura e Lingüística Xeral da Universidade de Santiago de Compostela.
Santiago de Compostela, 24 de xuño de 2002.
Senén Barro Ameneiro
Rector da Universidade de Santiago de Compostela