DOG 139 do 19/07/2002 - RESOLUCIÓN do 8 de xullo de 2002, da Dirección Xeral de Industria, Enerxía e Minas, pola que se ordena a publicación, no Diario Oficial de Galicia, do acordo do Consello da Xunta de Galicia do 13 de xuño de 2002, polo que se aproba definitivamente o proxecto sectorial de incidencia supramunicipal do parque eólico denominado Deva.

VI. ANUNCIOS

DA ADMINISTRACIÓN AUTONÓMICA

CONSELLERÍA DE INDUSTRIA E COMERCIO

RESOLUCIÓN do 8 de xullo de 2002, da Dirección Xeral de Industria, Enerxía e Minas, pola que se ordena a publicación, no Diario Oficial de Galicia, do acordo do Consello da Xunta de Galicia do 13 de xuño de 2002, polo que se aproba definitivamente o proxecto sectorial de incidencia supramunicipal do parque eólico denominado Deva.

En cumprimento do disposto no artigo 13.5º del Decreto 80/2000, do 23 de maio, polo que se regulan os plans e proxectos sectoriais de incidencia supramunicipal, esta dirección xeral dispón que se publique no DOG, o acordo adoptado polo Consello da Xunta de Galicia na súa reunión do día 13 de xuño de 2002, da que a súa parte dispositiva é o seguinte texto literal:

«1º. Aprobar definitivamente o proxecto sectorial de incidencia supramunicipal nomeado parque eólico Deva.

2º. De conformidade co contido do acordo do Consello da Xunta de Galicia do 1 de outubro de 1997, polo que se aproba o Plan Eólico de Galicia como proxecto sectorial de incidencia supramunicipal, o planeamento dos concellos da Cañiza, Covelo

(Pontevedra) e Melón (Ourense), queda vinculado ás determinacións contidas no proxecto sectorial que se aproba».

Santiago de Compostela, 8 de xullo de 2002.

Ramón Ordás Badía

Director xeral de Industria, Enerxía e Minas