O Consello da Xerencia Municipal de Urbanismo, en sesión do 30 de maio de 2002, adoptou, entre outros, o seguinte acordo:
Primeiro.-Estimar parcialmente as alegacións interpostas durante o trámite de información pública no procedemento de referencia por Casimiro Durán Gómez, María del Carmen, Rosa e Isabel Méndez Martínez, no senso e polos motivos que se recollen na parte expositiva deste acordo.
Segundo.-Aprobar definitivamente o proxecto de urbanización dun tramo da rúa Montecelo, presentado pola entidade mercantil Promociones Vital Vigo, S.L. e redactado pola arquitecta Mónica López Córcoba, visado polo COAG en datas 6-5-2002, 4-12-2001, 29-10-2001 e 15-10-2001 (expediente 4313/401.
Terceiro.-Condiciónanse suspensivamente os efectos deste acordo á constitución dun aval bancario polo importe de 62.692,82 euros (10.431,208 pesetas) en garantía de execución das obras de urbanización.
Cuarto.-Notifíquese o contido íntegro deste acordo ós interesados e alegantes, coa advertencia de que contra o mesmo cabe interpor, alternativamente, recurso de reposición ate esta Administración municipal no prazo dun mes, ou recurso contencioso-administrativo perante o Tribunal Superior de Xustiza de Galicia no prazo de dous meses. Publíquese o presente acordo no BOP e no DOG. Notifíquese tamén ó departamento de Vías e Obras do concello.
Contra o devandito acordo, que pon fin á vía administrativa, poderán interpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte ó da publicación do presente anuncio.
b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.
De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio notifícase o acordo que nel se contén a tódolos propietarios afectados descoñecidos, de ignorado domicilio, respecto dos cales non se puido practica-la notificación intentada.
Vigo, 4 de xuño de 2002.
Lois Pérez Castrillo
Alcalde presidente da Xerencia Municipal de Urbanismo